ОНЛАЙН САНХҮҮГИЙН ПРОГРАМ
Үйлчилгээний нөхцөл
Сүүлд шинэчилсэн: 2026-10-08
Энэхүү нөхцөл нь tugstootsoololaudit.mn сайтын «Онлайн санхүүгийн програм»-ыг (цаашид «Програм») ашиглахад мөрдөгдөнө. Бүртгүүлэх үедээ «Үйлчилгээний нөхцөл»-ийг хүлээн зөвшөөрч тэмдэглэснээр та энэ нөхцөлийг зөвшөөрсөнд тооцно.
1. Бүртгэл ба нэвтрэх эрх
- Бүртгүүлэхдээ хэрэглэгчийн нэр, нууц үгээ өөрөө сонгож, имэйл хаягаа оруулна. Имэйл хаягийг зөвхөн нууц үг сэргээх холбоос илгээхэд ашиглана. Нууц үгээ мартвал нэвтрэх хуудасны «Нууц үг сэргээх»-ээр шинэ нууц үг авна, эсвэл доорх утсаар холбогдоно уу.
- Хэрэглэгчийн нэр, нууц үгээ бусдад дамжуулахгүй байх, бүртгэлээрээ хийгдсэн үйлдлийг хариуцах нь хэрэглэгчийн үүрэг.
- Нэг бүртгэлээр өөрийн компанийн шинэ бааз (хамгийн ихдээ 10 компани) үүсгэж, хамтран ажиллагчдаа эрх олгож болно.
2. Таны оруулсан мэдээлэл
- Компанийн бүртгэл, гүйлгээ, тайлан зэрэг таны оруулсан мэдээлэл тухайн компанийн эрх бүхий хэрэглэгчдэд л харагдана.
- Бид таны санхүүгийн мэдээллийг гуравдагч этгээдэд худалдахгүй, дамжуулахгүй. Хууль хяналтын байгууллагын хуулийн дагуух шаардлага үүнд хамаарахгүй.
- Хэрэглэгчийн нэрийг зөвхөн нэвтрэх болон тантай холбогдоход ашиглана. Нууц үгийг зөвхөн нууцлагдсан (hash) хэлбэрээр хадгална.
3. Нөөц ба хариуцлага
- Програмын толгой хэсгийн «Нөөц» товчоор компанийнхаа бүртгэлийг файлаар татаж, өөртөө тогтмол хадгалахыг зөвлөнө.
- Програмаар гаргасан тооцоо, санхүүгийн болон татварын тайлангийн үнэн зөвийг тухайн аж ахуйн нэгж хянаж баталгаажуулна.
- Техникийн засвар, сүлжээ болон хостингийн тасалдлаас үүдэн үйлчилгээ түр зогсож болно.
4. Бүртгэлийг зогсоох
- Нөхцөл зөрчсөн, бусдын эрхийг хөндсөн эсвэл хууль бус зорилгоор ашигласан бүртгэлийг зогсоож болно.
- Бүртгэлээ болон компанийнхаа мэдээллийг устгуулах бол доорх утсаар холбогдоно уу.
5. Нөхцөлийн өөрчлөлт
Нөхцөлд өөрчлөлт оруулбал энэ хуудсанд огноотой нь нийтэлнэ.